Asunción, Agencia IP.- Apopyrã moñepyrũ “Mujeres Transformadoras: generando soluciones económicas en comunidad” omoirũta 2.000 emprendedora kuéra oĩve hag̃ua umi espacio-pe toma decisión rehegua itekoha kuéra ha omoporãve iñemuharenda kuéra, oñeme’ẽ hag̃ua chupekuéra katupyrykue ikatu oguerekove recurso tekoha ha virume’ẽ rehegua.
Fundación Capital ha Agencia de los Estados Unidos para el Desarrollo Internacional (Usaid/Paraguay) ndive ojapo hína ko rembiapo.
Ko apopyrã moñepyrũ ojehechaukata ko Noviembre 7, Centro Cultural Departamental Gobernación de Caaguazú-pe aravo 10:00. Oimeta ambue tendota kuéra gubernamental ha municipal rehegua, umi tetãvorére Caaguazú, Guairá ha Caazapá ojejapótava ko moñepyrũ.
Ko mbyatýpe oĩta Mitã, Mitãkuña ha Mitãrusu Motenondeha (Minna), Crédito Agrícola Habilitación rehegua ha Coopeduc. Avei, oĩta Usaid/Paraguay rekovia, Mark Kerr, ha Fundador Fundación Capital rehegua, Yves Moury.
Paraguáipe, 47% tetãyguára oikóva okarayguápe ha’e kuña, ha 10% péva rehegua oiko mboriahuetereívape, péicha he’i Encuesta Permanente Continua de Hogares (2015-2022) Instituto Nacional Estadística (INE) rehegua.
Oñembohovái hag̃ua ko apañuãi, oñeikotevẽ oñeme’ẽ umi kuñanguérape hetave acceso oportunidad recurso financiero rehegua, avei oñeme’ẽva’erã chupekuéra ñembokatupyry recurso jeporu rehegua ha omombarete ijoaju tekorekoha rehegua. Upéicha oñepyrũ Mujeres Transformadoras, ha’éva peteĩ apopyrã ome’ẽ hag̃ua solución virume’ẽ rehegua 2.000 kuñanguérape oemprendéva ha oikóva tetãvore Caaguazú, Caazapá ha Guairá-pe.
Apopyrã oreko mbohapy objetivo fundamental rehegua: Ombareteve participación comunitaria kuñanguéra rehegua, omombarete kuñanguérape gestión empresarial-pe guarã (ingreso ojupíva) ha omoporãve oike haguã umi productoha servicio financiero-pe.
Ojapo 6 jasy ko apopyrã oñepyrũva’ekue ha ohupytýma 34% umi kuñanguéra ojehechava’ekue meta-pe, omoheñóivo grupo ahorro rehegua, oñeme’ẽ ñembokatupyryve ojehechakuaa haguã recurso tekoha, avei katupyrykuéra teko’año ha colectivo, oplanifikávo imeta ha ñeha’ã orekóva. Avei, omba’apo oñondive umi institución gubernamental ha económica kuéra.