Asunción, Agencia IP.- Yvy ha Tymba Ñangareko Motenondeha (MAG) ojapo hína ko árape mokõi feria hérava “Fiestas con sabor a campo – Año Pahá” ombyatýva ñemityhára kuéra Tupão Medalla Milagrosa-pe ha Dirección Comercialización MAG rehegua (Mcal. Estigarribia c/ Saturio Ríos).
Peteĩ aty omoheñóiva 36 organización productora oguerekóva 556 ogayguakuéra hyepýpe oime hína ko’ã edición pyahúpe, chákra guive pe ho’úva peve intermediario’ỹme.
Heta ñemitỹhára oikóva tetãvore Central, Cordillera, Paraguarí, San Pedro ha Caaguazú oho hikuái oĩ hag̃ua ko feria-pe.
Ko’ã feria ojejapo hína 07:00 guive opa peve umi mba’e oñevendéva. Itaipú Binacional ha Unops Paraguáire oipytyvõ hína ko’ã feria-pe.
Upépe ikatu ojejogua kesu Paraguái, kure, kavara ha ovecha ro’o, ryguasu, ype, avatiky, avatiku’i, áho, cevói, kumanda, eirete, maní, avilla, aramirõ, tomáte, lokóte, mandi’o, jety, ka’avo, ryguasu rupi’a, sebói rogué, yva’a, gráno, tembi’u ñane retãme rehegua, rembiapojegua, yvoty, yvyra, ha ambue.