Asunción, Agencia IP.- Jasy agosto guive, Tesãi ha Teko Porãve Motenondeha (MSPBS) omoingeñepyrũta peteĩ esquema de dosis única VPH (Virus del Papiloma Humano) rehegua mitãkuña’ikuérape g̃uarã, oikéta avei mitãnguéra 10 ary orekóva.
Umi directriz pyahu esquema de vacunación rehegua omoingévo peteĩ vakúna VPH mitãkuña ha mitãkuimba’e inmunocompetente-pe g̃uarã heñóiva ary 2014-pe, térã oñemantene pe esquema mbohapy dosis mitãkuña ha mitãkuimba’e orekóva sistema inmunológico comprometido.
Ary 2024 jave, mitãkuña’i orekóva 15 ary guive ha 18 ary peve noñevakunaiva’ekue oñevakunáta peteĩ dosis vakúna cuadrivalente VPH rehe, péicha he’i marandu Tesãi ha Teko Porãve Motenondeha-gui.
Kuimba’e ha’e umi oguerekovéa VPH ha peteĩ rembipota oñemoingévo ko sector esquema-pe ha’e oipytyvõ hag̃ua igualdad de género, avei omboguejy cáncer de cuello uterino jeguereko, ha ojeguereko sa’ive hag̃ua lesiones papilomatosas ha ohapejokóvo VPH ikatu omomba’asy umi kuimba’épe cáncer-gui.
VPH ha’e peteĩ mba’asy ohupytýva kuimba’e ha kuñáme. Umi umi oĩva riesgo yvatevéva ikatu omoheñói cáncer cervical ha ambue. Paraguáipe, cáncer de cuello uterino oime umi mba’e oporojukavéva kuñanguérape. Upévare tuicha mba’e ojejoko hag̃ua ko mba’asy: vakúna ha ojehechakuaa tenonderã.
Ko vakúna VPH rehegua ikatu ohapejoko umi káso cáncer de cuello uterino rehegua, péva ha’e 90% umi tumor ojoajúva VPH rehe. Haimete 527.100 káso VPH ojoajúva cáncer rehe oñemombe’u káda arýpe kuñanguérape ha 33.800 káso VPH peteĩ arýpe, ojoajúva kuimba’e rehe.