Asunción, Agencia IP.- Costanera Norte-pe oñemoĩma peteĩ albergue ikatúva opyta 50 tapicha oikotevẽvéva peve. Kóa ojejapo oñeipytyvõ hag̃ua umi ohasáva ára ro’ysã, he’iháicha Pytyvõ Pya’erã Sãmbyhyhára (SEN), Arsenio Zárate.
Ko tenda ikatu oñemoĩ umi institución pública omba’apo oñondive haguére, ha oiko avei tetãvore Central pukukuére. Umi ñande ypykuéra rehegua, oñemba’apo hína Paraguay Ypykuéra Ñangarekoha (INDI) ndive, he’i Sãmbyhyhára Zárate.
Pe albergue oñemoĩva Costanera Norte-pe ha’e peteĩ toldo, orekóva tupa, kosina, mesa ojekaru hag̃ua ha kotyjahuha.
Zárate ombe’u avei ko’ãichagua operativo ojejapo oguejy jave temperatura 10 grados Celsius peve, jepénte omomba’e guasu ko arýpe ojejapo jepénte temperatura ndoguejýi hetáma rupi.
Oiko ramo umi tapicha ndorekóiva hóga ha ndohoséiva refugio-pe, SEN omopyenda ojehejáha avei colchón ha manta oiporu hag̃ua hikuái upépe.
Oñemba’apo hína Polisía ndive manterei, 911 ha’eháicha peteĩ tenda ojapyhýva marandu umi tapicha kuéra oiko asýva ro’y rupi.