Asunción, Agencia IP.- Instituto Nacional de Desarrollo Rural y de la Tierra (Indert) ohóta ambue tendápe ome’ẽ hag̃ua itítulorã umi tapichakuéra oñebeneficíava reforma agraria-gui. Upéicha, oñeme’ẽta 830 título de propiedad, he’i kuri hikuái.
Umi título oñeme’ẽtáva ha’e tapichakuéra oikóva Itapúa, Misiones, Canindeyú, Alto Paraná, San Pedro ha Caaguazú-pe g̃uarã. Ko’ã ogayguakuéra oha’arõma voi oñeme’ẽ chupekuéra itítulorã 30 ary guive.
Jasy octubre ary ohasávape oñeme’ẽ kuri haimete 1.000 título de propiedad irundy tetãvorépe. Upéi, ko ary febrero-pe oñeme’ẽ kuri 600 título, hakatu 1.000 título oñeme’ẽ jasy abril ha mayo-pe.
Ko ary 2024-pe, Indert ome’ẽse hína 3.500 título de propiedad, ha’éva tuicha mba’e oñembojojávo pe promedio histórico anual, ha’e kuri 927 títulos arýpe ko década ohasáva.