Asunción, Agencia IP.- Táva Yhú tetãvore Caaguazú rehegua, administración municipal ko’ágãgua rupive, oikose ñane retã tavaguasu guarani ñe’ẽ rehegua, omoherakuã ha omona hag̃ua oñeñe’ẽva ha ojehaíva opaichagua hendaha.
Paraguái Ñe’ẽnguéra Sãmbyhyha (PÑS) omomba’eguasu ko mba’e oñepyrũva ha omoirũ ko municipio rembiapo, ikatu hag̃uaicha ojejapo avei ambue távape ñane retãme.
Yhú municipio, omotenondéva intendente Arturo Jara, oreko ijorganigrama-pe Unidad de Asuntos Lingüísticos (UAL), upégui oñemboguata Léi 4251/10 Ñe’ẽnguéra rehegua jeporu, ko’ýte ojeporu hag̃ua hekopete mokõive tetã ñe’ẽ tee.
Ko táva oguereko tembiasakue hapo pypuku mbya guarani rekome. Oñemopyenda ary 1904 jave, ha’éma peteĩ táva tuicha Guerra de la Triple Alianza mboyve, ha ñorairõ aja ha’e pe tenda oñemondohápe haimete 2.000 ogayguakuéra umi tribunal de sangre San Fernando-pegua aja.