#OctubreRosa El Centro Ciudad Mujer ofrece estudios de mamografía en horario ampliado, con el servicio incluso sábados.
— IP Paraguay (@IPParaguay) October 14, 2024
Instan a todas las mujeres a realizarse los controles para el diagnóstico a tiempo.
➡️ https://t.co/dm7eaGiTaB pic.twitter.com/KhnMpPNmwI
Asunción, Agencia IP.- Centro Ciudad Mujer Villa táva Elisa-pe oñembopukúta pe horario de atención ojejapo hag̃ua mamografía, ikatúva ojeho pyhareve térã asaje, ha avei sábado-pe. Upéicha, ikatu ojehechakuaa mboyve ojeguerekópa cáncer de mama. Ko’ágã peve ko arýpe ojehechakuaa 22 káso upépe, ha ojerúre kuñanguérape omotenonde hag̃ua ko chequeo médico.
Coordinadora Módulo Salud Sexual ha Reproductiva rehegua, Valeria Vega, omomandu’a kuñanguéra orekóva mokõi ára oñemba’apóva ojejapo hag̃ua mamografía ha papanicolau, he’iháicha Léi 6122. Avei, Ministerio de Salud he’i kuri umi kuña orekóva 40 ary ári ikatúma oho ojejapoka hag̃ua ko’ã estudio orden médica’ỹre.
Upépe ojeguereko avei peteĩ tenda oñeñangareko hag̃ua mitãme, ikatu hag̃uáicha umi kuñanguéra ojapo ijestudio, oikóva avei sábado-pe.
Centro Ciudad Mujer-pe ojejapóma hetave 2.000 mamografía ko arýpe, ha upépe ojedetectáma 22 káso cáncer de mama rehegua. Pe diagnóstico tenonderãite oipytyvõ ani oñecomplica ko mba’asy ojukavéva kuñanguérape.
Centro Ciudad Mujer opyta hína táva Villa Elisa-pe, tape Virgen del Carmen, 16 de julio ha Avda. Von Poleski mbytépe. Umi mba’yruguata ohasáva upérupi ha’e línea 15-1; 15-4; 38; 119; ha 49.