Asunción, Agencia IP.- Mba’apohára Senad ha FTC-gua omba’apo oñondive ojapo hag̃ua mbohapy allanamiento upe jave avei, barrio Primero de Mayo-pe, opytáva táva Guayaibípe. Upéicha, ojagarra hikuái peteĩ omyakãva microtraficante-kuéra oikóva Santaní, Guayaibí, Santa Rosa, barrio San Pedro-pe ha ambue.
Cristhian Javier Ayala Marecos hérava hina pe tapicha ojejagarráva kuri umi mba’apohára rupive.
Oje’e kuri ko kuimba’e omyakãva microtraficante-kuéra. Umi tenda oñeinterveníva ojeipe’a kuri 2.358 dosis chespi rehegua ha 100 gramo cocaína rehegua, ombojojáva 300 dosis rupi upe sustancia ha 30 kílo marihuana rehe. Avei, ojeipe’a peteĩ camioneta, heta celular, viru ha ambue arma.
Péicha fiscal interviniente Abg. Juan Daniel Benítez ome’ẽ orden ojegueraha hag̃ua pe detenido ha umi mba’e ojetopáva Base Regional Senad Concepción gotyo.