Asunción, Agencia IP.- Kuehe oñeme’ẽ kuri 14 patrullera pyahu táva Coronel Oviedo-pe, ikatu hag̃uaicha oñemombarete polisía tembiapo upe tetãvorépe.
Ko mba’e oñeme’ẽva Tetã Rekuái ojapo omombarete hag̃ua kyhyje’ỹ, ha avei ikatu hag̃uaicha umi polisía oipytyvõ pya’eve ñane tavayguakuérare.
Avei, oñeme’ẽ kuri 200 patrullera arapokõindy ohasávape ñane retã pukukuépe.
Lunes ohasávape oñeme’ẽ 30 patrullera tetãvore Central-pe g̃uarã ha 8 patrullera Cordillera-pe g̃uarã.
Ko árape katu oñeme’ẽta patrullera Paraguaype g̃uarã, ko’ẽrõ tetãvore Presidente Hayes-pe g̃uarã, ha viernes katu Cháko pukukuépe g̃uarã.
Ko’ã patrullera oguereko hína tembiporu radiocomunicación rehegua, seguro, mantenimiento peteĩ arýpe g̃uarã ha avei combustible, omomba’eguasu viceministro.
«Ko inversión ojejapóva tuicha mba’e oñeguahẽ porãve hag̃ua tavayguakuérape, ha toñeñandu kyhyje’ỹ kállepe» he’i kuri Mburuvichavetẽ Santiago Peña oñeme’ẽ jave ko’ã patrullera ha tembiporu kuéra.