Asunción, Agencia IP.- Mba’apohárakuéra Ministerio de Obras Públicas y Comunicaciones (MOPC)-gua ome’ẽ kuri y ikatúva ojey’u umi tapicha oikóva umi tenda mombyryvéva Chákope. Kóva ojegueraha 32 ogayguakuérape oikóva 10 de Junio, Amistad, Jesubi ha Santo Domingo, táva Filadelfia, tetãvore Boquerón-pe g̃uarã.
Ko’ã tembiapo omoañete jey ñe’ẽme’ẽ orekóva MOPC oipytyvõve hag̃ua umi oĩva mombyryvéva ñane retãme.
Umi kamiõ ohóva y ome’ẽ y ikatúva ojey’u 32 ógape ñane ypykuéra rehegua oikóva Laguna Negra, Primavera, Noé, Comunidad 220, Santa Teresita ha Campo Loa táva Mariscal Estigarribia-gua.
Avei, ojegueraha 20.000 lítro y ikatúva ojey’u ambue avarekohápe tetãvore Presidente Hayes-pe.
Upéi, oñeguahẽ avei Alto Paraguáipe táva Boquerón, Toro Pampa ha Fuerte Olimpo. Upépe ojegueraha 800.000 lítro y, he’i kuri MOPC.