Asunción, Agencia IP.- 24 ary peve, oñeme’ẽ kuri peteĩ ypykuéra avarekoha 12 de junio ikuatia imba’erã, táva Yby Pytá, tetãvore Canindeyú. Ome’ẽ kuri hesekuéra Paraguay Ypykuéra Ñangarekoha Motenondehára, Marlene Ocampos.
Ko kuatia ñeme’ẽ ojejapo kuri INDI-pe, ha oĩ kuri avarekoha 12 de junio tendota kuéra, Román Vera ha Felipe Galeano ha ambue tapicha kuéra oikóva ag̃uíva.
Kóa ha’e peteĩ mba’e guasu oipytyvõ hag̃ua ko’ã tapicha kuéra oikóva ko avarekohápe, ikatu hag̃uaicha opyta upépe ha omokyre’ỹvo oiko porã umi ypykuéra oúvape g̃uarã.
Avei, Ocampos omomba’eguasu ko mba’e ojejapóva ymaite guivema ojeguereko. “Kóa ha’e peteĩ mba’e ohejáva avarekoha 12 de junio heta ary guive. Heta romba’apóta rombojerovia hag̃ua umi akatúa ha teko yvate ko’ã tapicha kuérape g̃uarã tetã pukukuépe”, he’i kuri.