Asunción, Agencia IP.- Tapichakuéra oikóva Bajo Chákope ha Emboscada-pe oñeguahẽka 24.000 lítro y Ministerio de Obras Públicas y Comunicaciones (MOPC) rupi.
MOPC Planta Asfáltica Cerro Verde mba’apohárakuéra rupive ome’ẽ kuri y ikatúva ojey’u umi tenda oikotevẽvévape. Upéicha, oñepyrũ hikuái ome’ẽ Bajo Cháko ha Emboscada-pe 24.000 lítro y arapokõindy ohasávape.
Ko ñeme’ẽ ojejapo kuri upéicha: 8.000 lítro ojegueraha Zona Galileo-pe, 8.000 lítro Nueva Asunción-pe (oñehenói mboyve Chaco’i) ha 8.000 peaje Emboscada jerére.
MOPC omoañete jey ñe’ẽme’ẽ orekóva ndaha’éi desarrollo infraestructura añónte, térã avei omoañetévo umi tembiapo omokyre’ỹva servicio básico jeguereko tetãyguakuérare tekoporãve hag̃ua.
Péicha, ava’aty tembiapo oñemombarete ohóvo, oguahẽvo umi tenda oñeikotevẽvévape ha ohechaukáva obra pública ndaha’éi omopu’ãva tape añónte, avei omopy’a ha omotekoporã avarekohakuérape g̃uarã.