Asunción, Agencia IP.- Instituto de Previsión Social (IPS) oikuaaka umi tapicha hasýva ikatúma ogueraha umi pohã oikotevẽva IPS Central-gui, oje’e ramo hikuái ndojeguerekoiha umi tasyópe ohóva hikuái.
Oje’e ramo ndoĩha pohã oikotevẽva peteĩ tapicha hasýva ohóva tasyópe, térã oje’e chupe oĩha Hospital Central-pe, ikatúma oho ogueraha upégui.
Upearã, umi farmacia clínica térã tasyoguáva ome’ẽta peteĩ kuatia he’íva ndojeguerekóiha pe pohã. Upe kuatiandi ha cédulandi, pe tapicha hasýva ikatu oho Centro de Atención Ambulatoria (CAA) Hospital Central farmacia-hápe ogueraha hag̃ua pohãrã.
Ko’ág̃a, kóa ikatu ojejapo umi tasyo opytãva Paraguaýpe ha tetãvore Central-pe añónte, hakatu oñeha’arõ oiko avei ambue tetãvorépe tenonderãme.
Ko mba’e pyahúva ojejapo oñemojerovia hag̃ua pohã ñeme’ẽ umi tapicha hasývape g̃uarã, ani ohejarei hikuái ha ojapo vai hesekuéra.