Asunción, Agencia IP.- 16,5 tonelada marihuana convencional ha «skunk» rehegua ojehapy Colonia Aguerito Santa Rosa del Aguaraýpe, ha’éva tetãvore San Pedro-gua.
Upéicha, umi pohã vai ojehapýva ohypyty USD 500 mil ñane retãme, hakatu ambue tetãme ñane ykeregua umi pohã vai ovale USD 2 millones, he’iháicha kuri Secretaría Nacional Antidrogas (Senad).
Senad mba’apohára oikóva Concepción-me oho fiscal Jorge Encima ndive ohecha hag̃ua umi marihuana convencional ha skunk-guáva ñemitỹ parcela.
Ko’ã tembiapo rupi oñehundika 3 hectárea y media marihuana skunk-guáva ovalevéva. Avei, oñehundika 2 hectárea orekóva marihuana convencional ka’avo michĩmi.
Upépe ojehecha ojeguereko tembiporu omboy’úva ha omomimbíva umi ka’avo, he’i kuri Senad.