Asunción, Agencia IP.- Tetã Rekuái omba’apo hína oipytyvõ hag̃ua umi tapicha ohupytýva chupekuéra ysyry Pilcomayo jejupi Chákope. Upévare, oñeme’ẽ kuri 8.800 kílo tembi’u umi ogaygua oikóva Cristo Rey, La Laguna, María Auxiliadora ha Pozo Hondo-pe g̃uarã, oikuaaka kuri Secretaría de Emergencia Nacional (SEN).
Ko’ã tembi’u ojeguerahaka kuri Fuerza Aérea Paraguaya rupi, ha upéicha ikatu oñeguahẽ avei San Agustín Guaraní, San Agustín Mahuí ha San Agustín Nivaclé avarekoha.
Secretaría de Emergencia Nacional, Ministerio de Salud Pública, Ministerio de Defensa Nacional, Instituto Paraguayo del Indígena, ESSAP ha ambue omba’apo hína oñondive oipytyvõ hag̃ua ko’ã tapicha.
XVI Región Sanitaria Mariscal Estigarribia rehegua ha coordinación técnica territorial omba’apo avei oñondive oñeme’ẽ porãve hag̃ua ko’ã mba’e oñeikotevẽvéva.