Asunción, Agencia IP.- Rampa de frenado de emergencia oiméva Pedrozo-pe, kilómetro 48,3 tape PY02, ojeporu 10 jey ko arýpe. Péicha, ojehapejoko accidente vai ha tapicha omanóva.
Ko’ágã peve ko arýpe, ojeporu kuri 2 jey jasy enero-pe, 2 jey febrero-pe ha 6 jey marzo-pe.
Oñemboguata guive ary 2023-pe, ojeipurúma 4 jey, hakatu ary 2024-pe ojeipuru 23 jey. Ko tape, ojekuaáva lecho de frenado-icha ojejapóva osalva hag̃ua tekove, omoĩva’ekue Ministerio de Obras Públicas y Comunicaciones (MOPC).
Kóva opyta cerro Ka’akupépe ojeguejy hag̃ua, ha ymáma oikóva kuri heta accidente, upéva ohechaukave oipytyvõ tuicháva ko tembiapo ojehapejoko hag̃ua mba’e vai oikóva.
Rampa jeipuru ha kamiõ jegueraha upérupi ndojepagái
Ko tape ikatu ojeipuru mayma ára oimeraẽ jave ha ndojepagái arã. Oimeraẽ tapicha ohecháva ifreno ndoikóiha térã ambue problema mecánico oho jave, oipuru arã.
Avei, mba’yrumýi oñembyaíva ojeipe’a ramo, concesionaria tape PY02 ojapo kóva ha ndojepagái, omomarandu MOPC.