Asunción, Agencia IP.- Secretaría de Emergencia Nacional (SEN) oguerahaka kuri 34.000 kílo tembi’u 679 ogayguakuéra ha’éva ñane ypykuéra ha oikóva Chákope ha Itapúape. Avei, oñeme’ẽta umi orekóva amparo judicial Corte Interamericana de Derechos Humanos rupi.
Ko tembi’u ojegueraha kuri 6 kamiõ ypýpe kuehe, ha osẽ kuri SEN depósito-gui.
Umi avarekoha oikóva Chákope ha oñeme’ẽta hembi’urã ha’e Sawhoyamaxa, Yakye Axa, Xákmok Kásek, Kelyenmagategma (Karaja Vuelta), Colonia 96 ha Buena Vista. Hakatu umi oikóva Itapúape ha’e Y’aka Marangatú Carlos Antonio López-guáva.
Upéicha, ojegueraha umi tembi’u 298 ogayguakuéra Sawhoyamaxa-pe, 116 ha’e Xákmok Kásek, 97 Kelyenmagategma (Karaja Vuelta), 72 ha’e Colonia 96 ha Buena Vista-guáva, 68 ha’e Yakye Axa ha 28 Y’aka Marangatúva.