Asunción, Agencia IP.- Operación «Nueva Alianza 49» rupi, tendotakuéra Paraguái ha Brasil-guáva oikytĩ kuri hikuái 89 hectárea oñemitỹva pohã vai. Upéicha, ojehapy 54.600 kílo marihuana oĩva kuri Amambáipe, oikuaaka Secretaría Nacional Antidrogas (Senad).
Senad, tahachi Brasil-guáva, Comando de Operaciones de Defensa Interna Fuerza de Tarea Conjunta rehegua ha Ministerio Público omba’apo kuri oñondive ojapo hag̃ua ko’ã.
Ojeikuaa porãve hag̃ua mba’éichapa ituicha ko tembiapo, yvy oñehundíva tuichakue ha’e 120 estadio de fútbol-icha, ha’eháicha 900,000 metro cuadrado oipuruva’ekue umi narcotraficante.
Oñemba’apóiti hína ko’ã ára oúvape Amambáipe, ikatu hag̃uaicha oñembohovái porãva crimen organizado.