Asunción, Agencia IP.- Secretaría de Emergencia Nacional (SEN) ome’ẽ kuri 4.370 kílo tembi’u noñehundíiva tetãvore Alto Paraguáipe, ko’ág̃a, hasy oñeguahẽ hag̃ua ha ndaipóri recurso umi tapicha oikóva upérupi g̃uarã.
Oñeme’ẽma voi 4.370 kílo tembi’u umi tapicha oikóva Karandaytýme, Ex Obraje San Carlos ha María Auxiliadora-pe. Upéi, ojegueraháta 9.313 kílo tembi’u Ñu Apu’ápe, Toro Pampa ha Sierra León-me. Upéicha, oñemohu’ã vove ko tembiapo, oñeme’ẽtama 13.685 kílo tembi’u.
Motenondehára Óscar González oikuaaka ko’ã tembiapópe ojegueraha tembi’u umi tapicha oikóva tendápe hasy oñeguahẽ hag̃ua, hakatu avei ojegueraha tapicha hasýva umi tasyo michĩva guive tasyo tuichavéva peve.
Omombe’u avei og̃uahẽma ko ñeipytyvõ haimete 30.000 ogayguakuérape, ojejapóva peteĩ helicóptero Fuerza Aérea Paraguaya-guáva rupi.
Ko tembiapo ojejapo Ministerio de Defensa Nacional, Fuerzas Armadas de la Nación, Ministerio de Salud Pública, ANDE ha ambue institución ñane retã reheguáva oñondive, he’iháicha kuri mburuvichavetẽ Santiago Peña, oñeñatende hag̃ua umi tapicha oikotevẽvéva.