Asunción, Agencia IP.- Martes 10 de junio-pe Ciudad Mujer móvil oñeñatendéta Lúkepe, ikatu hağuaicha oñeipytyvõ kuñanguérare ha umíva oikóva hógape. Upéicha, Oficina Primera Dama rehegua, Itaipu ha 15 institución ári omba’apóta oñondive Plaza Guillermo Jesús-pe, Isla Bogado-gua, 07:00 aravo guive.
Ko tembiapo rupi roñeha’ãrõ umi tapicha oikóva upéripi oñeñatende porãve hağua. Ministerio de la Mujer ojapóta asistencia psicológica ha asesoría legal, hakatu oĩta avei Ministerio de Salud Pública ha Bienestar Social; Registro Civil, Ministerio de Justicia ha Identificaciones Policía Nacional-Ministerio del Interior-guáva.
Upéicha avei oĩta Tribunal Superior de Justicia Electoral (TSJE), Banco Nacional de Fomento (BNF); Crédito Agrícola de Habilitación (CAH); Ministerio de Agricultura y Ganadería (MAG); Servicio Nacional de Promoción Profesional (SNPP) ha Sistema Nacional de Formación y Capacitación Laboral (Sinafocal) Ministerio de Trabajo-guáva.