Asunción, Agencia IP.- Instituto de Previsión Social (IPS) oikuaaka kuri mba’éichapa ojegueraha hag̃ua pohã ambue tapichápe g̃uarã.
Ojejapo arã peteĩ kuatia escribanía-pe, hakatu pe tapicha hasýva ndofirmáiva, pe escribano ofirmáta, he’iháicha derécho. Upéi katu ojejapo arã peteĩ fotocopia simple upe autorización rehe, ojeheja arã pe original tasyópe, ha pe fotocopia oguerahá umi tapicha imba’erã. Ha’éva ramo peteĩ poder oñeme’ẽva, ojejapo arã fotocopia autenticada chugui.
Ojeikuaa arã avei opavave tapicha hasýva ikatu oguereko mokõinte ijautorizadorã, ha upéicha avei ojeguereko arã fotocopia simple upe tapicha hasýva guáva ha umi autorizado avei. Umi oñenrola arã ojehupi hag̃ua upe autorización.
Upéi, opavave autorización oñepresenta arã planta baja Hospital Central-pe admisión hospitalaria renondépe, oñatendéva 24 aravo pukukue. Avei, ikatu ojegueraha Centro de Atención Ambulatoria (CAA), oñatendéva lunes guive viernes peve (06:00 aravo guive 18:00 aravo peve) hakatu sábado ha’e 06:00 aravo guive 13:00 aravo peve. Ojeretira jave pohã ojeruréta hikuái pe cédula original paciente-guáva ha autorizado-guáva.
IPS ojerure porã opavave oho ko’ã kuatianti ikatu hag̃uaicha ani oñeha’ãrõ heta fílape.