Asunción, Agencia IP.- Ministerio de Salud Pública oikuaaka omohu’ãta umi convenio oguerekóva kuri opavave asociación ha entidad odescontáva kuri viru umi tapicha contratado ha nombrado omba’apóva upépe, ojepaga hag̃ua ojejooguáva préstamo ha crédito rupi.
Dirección de Asesoría Jurídica ha Dirección de Administración Financiera Ministerio de Salud Pública-guáva omba’apo kuri oñondive omopy’apeteĩ hag̃ua. Ojehecha kuri mba’éicha ojapo vaíva umi mba’apohárape tojepoko iviru.
«Kóva rupi roñangarekose ore mba’apoháranguéra, ani hag̃ua ojedesconta hesekuéra ha tojeguereko peteĩ administración oikovéva ha iporãvéva», omombe’u motenondehára Teresa Barán.
Ko’ã convenio oñemohu’ãta 60 ára guive upe notificación formal ojejapóva umi asociación ha entidad-pe. Hakatu umi mba’apohára orevocaséva idescuento, ikatu ojapóma peteĩ kuatia rupi Giraduría de Sueldos MSPYBS-guáva-pe.
Tuicha mba’e ojeikuaa umi embargo judicial vigente ndoikemoáita kóa ryepýpe. Upéicha avei, oikuaaka hikuái omoarandúta finanzas-pe umi imba’apohára, ikatu hag̃uaicha ani oiko chupekuéra ko’ã mba’e ha omopy’apeteĩ porãve iviru kuéra.