Asunción, Agencia IP.- Motenondehára Desarrollo Social-gua, Tadeo Rojas, omovirume’ẽ kuri ko árape G. 1.200 millón, ohupytýva 300 ogaygua kuéra oikóva 5 távape. Kóa oiko táva Obligado-pe, opytáva tetãvore Itapúape.
Upéicha, opavave tapichápe oñeme’ẽ G. 4.000.000 omoĩ hag̃ua iproyecto-pe. Avei, oñeme’ẽ viru ambue programa social MDS orekóva Itapúape.
Pe programa de comedores y centros comunitarios oreko 42 tenda omongarúva umi oikotevẽvéva Itapúape. Ko’ã tendáme oho hetave 2.000 tapicha, ha kuehe oñeme’ẽ kuri 21.800 kílo tembi’u noñembyaíva.
Motenondeha ome’ẽ programa Tekohápe contrato compra-venta 15 ogayguakuéra oikóva Milagros II-pe, táva Obligado-pe (G. 8.400.000 peteĩ lótere), Nuevo Amanecer II-pe, táva Cambyretáme (G. 12.960.000 peteĩ lótere) ha Tekoporã Rekavó, táva Tomás R. Pereira (G. 8.125.000 peteĩ lótere).
Avei, programa Tekoporã Mbarete oñangareko 16.181 ogaygua kuéra Itapúagui, oñeme’ẽ G. 3.595 peteĩ jasýme, ha upéicha oñeipytyvõ economía upe tendáre.