Asunción, Agencia IP.- «Octubre Rosa» héra tembiapo omotenondéva ñane retã rekuái Ministerio de Salud Pública rupive ohesape’ávo opavavépe tekotevẽha oñeñe’ẽve cáncer de mama reheguáre, mba’asy ikatúva ojekuaa ha oñemboykeve arapýre control anual rupive. Sa’y ha lazo pytãngýva ombojegua jerovia ha pytyvõ mayma yvypórape ojapyhýva hese mba’asy.
Ary peteĩteĩ 19 de octubre jave oñegueromandu’a Día Internacional del Cáncer de Mama, ko jasy jave tembiapo oñemombareteve opa tasyoháre oĩva ñane retãpýre, oñemba’e jerure jeyjeývo kuñanguérape ojehechauka hag̃ua pohãnohárape ohepyme’ ẽ’ ỹre mba’eve, oiméramo oreko hetére inakytãva pya’e oñeñangareko hag̃ua, oikuaaramo voive orekoha mba’asy pya’eve okueráta.
Jesarekorã opavave kuñáme g̃uarã
Kuña peteĩteĩre ikatu ojapyhy mba’asy cáncer de mama, katu heta oĩ ko’ã apytépe:
– Kuñanguéra orekóva 40 ary tenonde gotyo
– Hogaygua orekóva mba’asy cáncer de mama térã ovario.
– Voi omenstruáva ha ndoguahe voíriramo menopausia.
– Ikyrarasáva ha opitáva
Máva máva ikatu ojapo mamografía
Opa kuña orekóva 40 ary rasa, ikatúma okapo mamografía ary peteĩ teĩ jave, jepe noñandúi mba’eve.
Kuñanguéra hasykatuíva, hogaygua orekóva mba’asy oñepyrũva’erã ojehachauka ohupyty mboyve 40 ary pohãnohára omba’ejeruréramo
Mamografía niko ojejapo ikatuhag̃uáicha ojejesarekovoi akytã oĩramo kuña retére, oñeñangareko voíramo 90% ikatu pya’eve okuera mba’asýgui.