Asunción, Agencia IP.- Motenondehára Desarrollo Social-guáva, Tadeo Rojas, oikuaaka kuri upe programa de pensión alimentaria adulto mayor-pe g̃uarã oikepaitéta umi tapicha orekóva 71 ary ári. Hakatu ary oúvape oikevéta 300.000 tapicha pyahúva ko programa ryepýpe.
Omombe’u avei Rojas, jasy septiembre-pe ojehupytýma pe méta ojeguerekóva kuri, ha’éva toike 34.000 adulto mayor pyahu. Upéicha, haimetetéma ojehupytypa umi orekóva 71 ary ári.
«Jasy octubre-pe ojepagáma umi okumplíva 71 ary abril peve. Opyta hína 3.650 adulto mayor okobráva’erã, ha romoñe’ẽme’ẽ rohupytýta umía avei», he’i kuri.
Ojejapo rupi pe universalización adulto mayor-pe g̃uarã, oñeguahẽma 338.349 tapichápe, ha’éva 77% umi adulto mayor reheguáva.
Ary 2026-pe, ojeguerekóta hína USD 408 millón oike hag̃ua 30.000 tapicha, ha avei ojekobravéta 25% salario mínimo peve, oikoháicha julio ko arýpe, oikuaaka ministro Rojas.