Asunción, Agencia IP.- 22 táva San Pedro-guáva orekóma iñambulanciarã, oikuaaka kuri Ministerio de Salud Pública. Upéicha, ko’ág̃a ojeguerekóma umíva ñane retã pukukuépe.
Umi táva orekóva ambulancia pyahu ha’e Yryvukua, 25 de Diciembre, Liberación, San Pablo, General Resquín, Lima ha San José del Rosario.
Avei, Itaipu Binacional ha Ministerio de Salud Pública ome’ẽ Santa Rosa del Aguaray ha San Pedro tasyo ambulancia orekóva terapia intensiva hyepýpe.
María Teresa Barán, motenondehára tesãi rehegua, omba’apo hína municipalidad-kuéranti ha umi Consejo Local de Salud ndive.
Ko’ã tembiapo ojejapo moakãhára Dr. Darío Soria, ambue intendente ha presidente junta municipal rehegua ndive.
Upéicha hína oñeñatende pya’eve ha porãvéta umi tapicha oikotevẽvéva opavave avarekohápe uperupiguáva.