Asunción, Agencia IP.- Táva Mariscal Estigarribia-pe, tetãvore Boquerón-pe, Secretaría de Emergencia Nacional (SEN) oipytyvõ kuri umi tapichápe ohupytýva chupekuéra ysyry Pilcomayo 20.000 kílo tembi’u ñeme’ẽ rupi.
Jasy enero ha febrero ko ary rehegua, tapicha oikóva táva Margariño ha Pozo Hondo-pe ha’e umi ohasa asyvéva.
Upéicha, Tetã Rekuái omba’apóiti ohecha hag̃ua mba’éichapa oñecomporta ysyry Pilcomayo, ikatu hag̃uaicha ojepreve ambue mba’e ikatúva ojehu.
Ysyry Pilcomayo ojupi 5,85 metro Pozo Hondo – Misión La Paz-pe, opytáva frontérape Paraguái ha Argentínape, oikuaaka Comisión Trinacional del Pilcomayo (CTP).
Ko ysyry jejupi tuicha mba’e ojapo Argentínape, provincia Salta-pe gotyo. Upépe, y oike kuri ruta provincial 54-pe, ha 60 ogayguakuéra wichí avarekoha Misión km II rehegua ndoikatúi oku’e.