Asunción, Agencia IP.- Ko árape, jueves 12 de febrero-pe, plása Juan E. O’Leary opytáva tape Estrella ha Independencia Nacional ári Paraguaýpe, ojejapo hína peteĩ féria tomáte ñemitĩharanguéranti. Peteĩ kílo ohupyty 9.000 guaraní.
Ko’ápe ojeguerekóta 500 ha 600 kílo mbytépe ojejogua hag̃ua, oúva tetãvore Central, Cordillera, Caaguazú ha San Pedro-pe. Ko fériape oĩ hína 420 ogayguakuéra oikóva ñane retã ryepýpe, oikéva 16 organización productiva-pe.
Oĩta avei kesu Paraguái, kure ro’o, ryguasu kaséro, ryguasu rupi’a, mandi’o, jety, eíra, yva’a, yvoty, yvyra ha apopyre ñane ypykuéra ojapóva.
Ministerio de Agricultura y Ganadería (MAG) oikuaaka enero ha febrero ha’e umi jasy ivaivéva ára hakúgui tomáte ñemitỹme g̃uarã. Hakatu Plan Nacional de Producción de Tomate rupi oñemba’apo ojeguereko hag̃ua tomáte ary pukukuépe, ikatu hag̃uaicha ko’ã oñeñemuve ha ojeguerahaka ambue tetãme.