Asunción, Agencia IP.- Ministerio de Salud Pública y Bienestar Social (Mspbs) omombarete tasyokuéra opytáva tetãvore Caazapa ha Misiones-pe, ome’ẽ haguére pohã ha tembiporu ohasáva G. 1.300 millón.
Upéicha, ome’ẽ hikuái tembiporu ha pohã tasyokuéra Caazapá ha Misiones-pe g̃uarã.
VI Región Sanitaria, Caazapa rehegua, oñeme’ẽ opa mba’e ohupytýva G. 759.836.412, ojegueraháta 11 distrito-pe. Ko ñeme’ẽ oikéta ambue mba’e oñeikotevẽva diabetes ha planificación familiar, ha avei opa mba’e ojeipurúva manterei, ha’eháicha antihipertensivo, antipirético, antiinflamatorio ha antibiótico.
Hakatu umi mba’e ojejoguáva VIII Región Sanitaria-Misiones-pe g̃uarã ohupyty G. 633.872.956. Ko’ápe katu oñeme’ẽ pohã mba’asy po’ipe ha código infarto-pe g̃uarã, ha avei ambue tembiporu oñeikotevẽva.
Ko’ã tembiapo rupi, oñeha’arõ oñemba’apo porãve tasyópe, ikatu hag̃uaicha umi tapicha ohóva otopa opaichagua pohã oñeikotevẽvéva ha toñeatende porãve hag̃ua hesekuéra.