Asunción, Agencia IP.- Ministerio de la Defensa Pública omandu’a tavayguakuérape oikoha línea telefónica 133, umi tapicha ndorekóiva opaga hag̃ua abogado ikatúva ojererure upépe asesoramiento legal gratuito.
He’i hikuái avei tekojoja ha’e peteĩ derécho oñemomba’eguasuva’erã. Upévarõ, ojererure tavayguakuérape toipuru ko servicio, ha upéicha ikatu oñe’ẽ hikuái defensor público ndive.
Línea 133 oiko lunes guive domingo peve, 07:00 aravo guive 23:00 aravo peve.
Avei, umi tapicha ndoikatúiva opaga abogado, oñeme’ẽta chupekuéra defensor público gratuito.
Upéicha, Defensa Pública oipota hetave tapicha oikuaave ko servicio-re, ikatu hag̃uaicha oñeme’ẽ asesoramiento ndojepagáiva ha itiempoitépe.