Asunción, Agencia IP.- Secretaría Nacional Antidrogas (Senad) omba’apo kuri oipe’a hag̃ua 3.200 dosis cocaína rehegua, ojejapóva ipástagui ha oje’éva chupe «crack». Kóva oiko peteĩ rógape hi’ag̃uíva mbo’ehaópe táva Loma Plata-pe, tetãvore Boquerón-pe.
Upéicha, oñedetene kuri Andrés Rojas Machuca, ha’éva paraguayo ha orekóva 33 ary, oje’eva hese omba’apo microtráfico-pe. Hógape, umi mba’apohára Senad-guáva oipe’a pe pohã vai, ojetopáva kuri peteĩ jagua róga guýpe.
Ko tembiapo ojapo kuri Regional N° 11 Filadelfia-guáva, ha omoirũ Ministerio Público ojejapo haguére tarea de inteligencia mbo’ehaokuéra jerére.
Motenondehára Senad-guáva, Jalil Rachid, he’i kuri pe tembiapo ojejapóva hi’ag̃ui mbohapy mbo’ehaópe, omombaretéva pe jepy’apy orekóva tendota kuéra oĩramo microtráfico hi’ag̃uíva temimbo’ekuérape.
Avei, omomba’eguasu ko’ã mba’e oikóma Chákope, ha umi mba’e ndoikóiva kuri upépe. Upévare, he’i ko’ã mba’e oikoha upépe oñecontrolave hag̃ua ha oñemyasãi umi actividad ilícita.