Asunción, Agencia IP.- Tasyo mitãme g̃uarã «Niños de Acosta Ñu» oikuaaka tavayguakuérape mba’éichapa ojejapo arã ojeipe’a hag̃ua túrno ñehenói rupi. Opa especialidad oreko hiára.
Ikatu oñehenói lunes guive viernes peve, ha umi cíta oñeme’ẽ arapokõindy oúvape oĩ ramo túrno.
Avei, oñeme’ẽ túrno umi especialidad-pe g̃uarã ojeguereko ramo orden de derivación añónte, ome’ẽva’erã pohanohára tasyógui.
Oñehenóiva’erã 07:00 aravo guive 13:00 aravo peve. Tigo ha Personal-pe ha’e 154 opción 4, hakatu Claro ha’e *154 opción 4.
Mba’e árape oñehenói arã
- Lunes: Pediatría, Neumología, Nefrología, Escoliosis.
- Martes: Pediatría, Traumatología, Cardiología, Alergología.
- Miércoles: Pediatría, Ginecología, Oftalmología, Gastroenterología, Cirugía.
- Jueves: Otorrinolaringología, Odontología, Dermatología.
- Viernes: Endocrinología, Infectología, Reumatología.
Tasyo omomandu’a ojeguereko arã pe cédula de identidad, orden de derivación ha peteĩ kuaria ojehai hag̃ua araka’épa ha’e pe turno oñeme’ẽva.