Asunción, Agencia IP.– Ministerio de Salud ome’ẽ kuri tasyo Saltos del Guairápe g̃uarã tembipuru biomédico Unidad de Terapia Intensiva okakuaávape g̃uarã, oikéva XIV Región Sanitaria hyepýpe. Kóva ojejapo Plan de Acción Integral rupi, ohekáva oñemombarete umi Unidad de Terapia Intensiva ñane retã pukukuépe.
Ko tembiapo rupive, Ministerio omombaretéta tenda mopu’ã ha tembipuru, ikatu hag̃uáicha umi Unidad de Terapia Intensiva oiko porãve.
Upéicha, oñeme’ẽ 4 monitor multiparamétrico ha 4 bomba de infusión. Ko’ã tembipuru oñeme’ẽ jave, oĩ kuri Terapia Intensiva myakãhára, hérava Amalia Dávalos, ha avei tasyo myakãhára, José Cuevas.
Ko’ã tembipuru niko peteĩ lote rehegua ome’ẽva Ministerio de Salud ha Dirección de Terapias, omopyahu hag̃ua umi mba’e ha oñeñangareko porãve umi tapicha hasýva.
Upe jave, Región myakãhára, Sergio Ambrasath, he’i kuri ko tembiapo rupi oñeha’ãha oñemombarete umi paciente crítico ñeñangareko rehehápe,.