Asunción, Agencia IP.- Instituto de Previsión Social (IPS) oikuaaka opavave ijubilado ha pensionado-kuéra upe «Fe de Vida» térã certificación de supervivencia ojejapo arã 30 de junio mboyve. Ani oñembyaty heta tapicha IPS-pe, ojerure hikuái tojejapo ko trámite Mi IPS rupi, ikatúva ojejapo ambue hendápe, hógape avei.
Umi adulto mayor ojaposéva hendápe, ikatu ojapo hikuái Centro de Atención Directa-pe (CAD) opyatáva tasyo Central-pe. Upépe, oñeñatende lunes guive viernes peve 06:00 aravo guive 18:00 peve. Ko trámite ojejapo arã káda 6 meses ikatu hag̃uaicha ojekobráiti.
Avei, ikatu ojejapo Dirección de Administración de Jubilaciones-pe (Edificio Facundo Insfrán, opytáva Herrera ha Constitución ári), Parque de la Salud-pe, Centro de Medicina Física ha Rehabilitación-pe, ha umi clínica periférica 12 de Junio, Ingavi ha Campo Vía-pe (Capiatá), ha avei umi puesto sanitario Piquete Cué (Limpio), Guarambaré ha Itauguápe. Upéicha, IPS Lúkegua, Clínica Yrendagüe Mariano Roque Alonso-pe ha unidad sanitaria San Antonio, Villeta ha Ypacaraípe.
Ñane retã ryepýpe ikatu ojejapo Concepción, Pedro Juan Caballero, San Ignacio (Misiones) ha Salto del Guairá-pe. Avei, Ayolas, Caacupé, Caaguazú, Caazapá, Coronel Bogado, Carapeguá, Curuguaty, Hernandarias, Hohenau, Chaco – Filadelfia, Pilar, San Estanislao, San Juan Bautista, San Juan Nepomuceno, San Pedro ha Puerto Rosario-pe.
IPS ojerure opavave jubilado ha pensionado-kuéra ani oheja ko mba’e ojejapóva’erã último minuto-pe g̃uarã, térã ikatu ojejapo suspensión temporal ojekobra hag̃ua.