Asunción, Agencia IP.- Ministerio de Economía y Finanzas omontenonde Becas “Carlos Antonio López” omombaretévo tembiapoita ñane retãme; taha’e tembikuaareka, mbopyahuha ha tekombo’e rehegua, oipytyvõva oñemongakuaave hag̃ua kuaapy ciencia ha tembiporu pyahu rehegua mayma yvypóra apytépe.
Ñemongetápe Paraguay TV rupive, Daniel Estigarribia, área de Retorno Programa BECAL-pegua, omomarandu ojapóma pateĩ ary oñemoheñoihague BECAL, ha ko’ãga meve oñehekombo’éma 1.000 becario rasa mbo’ehaovusukuérape opytáva tetã ambue rehe. 2024 ary guive, oñemongakuaave tembiapo oñeme’êvévo oportunidad, ko jasy téra diciembre-pe ko arýpe oñeikuave’êta becas ojepostulasévape oñehekombo’e hag̃ua ohepyme’êyŷre mba’eve ñane retãme, taha’e Maestría, doctorado ha especialización rehegua, ombojoapy Estigarribia.
Ipahaitépe, imandu’a heta yvypóra ñane retãygua omohu’ãmava imbo’epy tetã ambue rehe, koãga omba’apóma ñane retãme, péva’erã Becal ombohape tembiaporã joajúpe ambue institución ndive. Mayma tapicha ñane retãygua oñehekombo’eséva becas rupive Paraguái retãme térã tetã ambue rehe, oikekuaa Conacyt página web-pe https://spi.conacyt.gov.py/user