Apopyrã Proeza oipytyvõ oguerojera ñemitỹhára ha te’ýi avarekoha

Asunción, Agencia IP.- Apopyrã Proeza, Reforestación, Energía y Cambio Climático (Proeza), ha’e peteĩ ñeha’ã Paraguái ojapóva omomichĩ haguã gases efecto invernadero guáva osẽ haguã, ha omoporãve ipytaporã umi oikóva cambio climático rehegua avarekoha okaragua-pe.

Proeza oñembojoaju Viceministerio Virureko ha Planificación, Tembiguerekoita ha Viruñangareko Motenondeha rehegua. Upeícha, oñemboajeha umi ñoñe’ẽme’ẽ Convención Marco Naciones Unidas guáva Cambio Climáticorehegua.

Ko apopyrã omba’apo 700 ogaygua ñemitỹhára ha te’ýi ndive, oikóva táva Capiibary, General Resquín, San Vicente Pancholo, Tacuatí ha Santa Rosa del Aguaray, tetãvore San Pedrore. Ko’ã táva oñepyrũma oipuru sistemas agroforestales imba’erepype.

Apopyrã Proeza porohekáva ha’e mbohovái mboriahureko apýra, moherakuã ka’aguy ñemohenda jey ha mbaretekue hekojokopykuaáva, oñemomichĩ haguã cambio climático ojapóva.

Proeza omba’apo mbohapy pehẽngue: ñemitỹ michĩva umi ñemitỹhára mboriahureko apýra ndive; ñemitỹ mbyte bionergíarã oipurúva mohendapyrã ndombyaíva tekoha, oñangarekóva umi corredor biodiversidad guáva, ka’aguykuéra oĩva ysyry ykere; ha omokatupyryve umi institución, ikatúva oipytyvõ umi ñemitỹhára, mbojojaha porãngue ha ojejapo iporãva.

Apopyrã Proeza ojejapo Tetã Rekuái ha porundy instituciones ndive. Oipytyvõ chupekuéra Organización de las Naciones Unidas para la Alimentación y la Agricultura (FAO) ha virume’ẽ Fondo Verde del Clima (FVC) rehegua.

Ko oñepyrũva’ekue rembipota oikeve viru, ka’aguy ñemohenda jey, mbaretekue ombopyahu jejapo ha oñemomichĩvacambio climático ojapóva umi ogaygua mboriahureko apýra ha tekoha ipererĩva.