Asunción, Agencia IP.- Kuehe oñemyandy kuri yvyramáta Arareñói rehegua Palacio de López-pe. Ko’ãga, Tetã Rekuái oñepyrũma pe “Arareñói Paraguáigua” oguerovy’a hag̃ua arandupy ñane retãmegua.
Primera Dama Leticia Ocampos ha Mburuvichavetẽ Santiago Peña omyandy oñondive pe yvyramáta. Avei, oĩ kuri temiporã jehechakuaa.
Kóa oñepyrũ oñemomba’eguasu hag̃ua ñane mba’e teete ha arandupy, “pe orgullo jaguerekóva ñane retãme”, he’i akue Primera Dama. Mburuvichavetẽ he’i oipota umi ogayguakuéra ombojoaju ko Arareñóire, ha avei omoporãve hag̃ua pe Centro Histórico Paraguaý rehegua.
“Arareñói Paraguáigua” ojejapóta 16 ha 17 diciembre-pe, ha ojehechaukata temiporã ha rembiapojegua Puerto Paraguaýpe. Avei, heta mba’e ikatu ojejapo Palacio de López-pe ha tape Palma áripe, ojehechauka hag̃ua umi apopyrã osẽva “Palma Brilla” rupi.
Oficina Primera Dama rehegua he’i ojejapotaha peteĩ plan integral oñeñangareko hag̃ua umi ogayguáva ohota upépe, oñemombarete kyhyje’ỹ umi polisía ndive, ha ombohetave reactivación económica Paraguay mbytépe.