Asunción, Agencia IP.- Tetã Rembiapo ha Marandu Motenondeha (MOPC) omba’apóiti pe circunvalación oĩva táva Curuguatýpe, tetãvore Canindeyú. He’i hikuái ojejapóma 30% peve.
Ko’ãga oñemba’apo hína desmonte ha terraplén, ha oñemoĩ alambrado ha alcantarilla.
29 jasypoapy guive 5 jasyporundy peve ko arýpe oñemopyenda desvío sapy’ante tape Ytandey ogaykeregua Ciudad Nueva-pe, péva oñemba’apo haguére alcantarillado-re.
Omombe’u hag̃ua mba’éichapa oho tenonde ko apopyrã, umi omba’apóva oho oñe’ẽ umi oikóva upérupi ndive. Avei, ombokuaa hikuái pe papapy ikatúva oñehenói oñeporandúvo ha ombohovái hag̃ua oimeraẽva porandu ikatúva oreko tetãyguakuérape: 0986 2872152.
Ko tembiapo ojoajúva tavaguasúre, oñepyrũ tape PY03 ári ha ojeipysóva hetave 7 km ojoaju peve tape PY13 sector doble avenida-pe. Kóva oipytyvõta oñeguahẽ pya’eve, umi kamiõ tuicha oho haguére ambue tendápe.
Avei, ko tembiapo ojoajúta tape ogueraháva ambue táva ko tendáre, ha’eháicha Ypejhú, Villa Ygatimí, Nueva Durango ha Maracán, he’iháicha MOPC.
Kóa ha’e ñehenói N. º 98/2021 hérava “Licitación Pública Internacional de empresas constructoras viales para la construcción de la circunvalación de la ciudad de Curuguaty”, ID N. º 402.398, ha omboguata hína Isacio Vallejos S.A. (CIVSA). Umi jehechaukaha ojapo hína CIA SA.