Asunción, Agencia IP.- Tesãi ha Teko Porãve Motenondeha (Mspbs) ojerure tapichakuérape oñangareko hag̃ua ijehe Arapokõindy Marangatúre. Ndojapóiramo upéva, ikatu ojapo vai ñandéve, ikatuháicha mbaʼasy ñane py’ápe.
Arapokõindy Marangatu og̃uahẽma voi, ha ogayguakuéra ñane retãme ho’u jepi hikuái chipa, sopa ha bebida alcohólica. Térã oje’u hetárõ ko’ã ikatu ojapo vai ñande rehe.
Upévare, Instituto Nacional de Alimentación y Nutrición (INAN) ojerure tavayguakuérape ho’u sa’i hag̃ua ko Arapokõindy Marangatu rehe.
Mba’épa he’i hikuái rejapo arã ko Arapokõindy Marangatu revyʼa porã hag̃ua:
- Ejohéike nde po y ha havõndi repokóta térã re’u mboyve oimeraẽ tembi’u.
- Anike re’u heta tembi’u térã jey’urã.
- Re’úke tembi’u pyahu ha reñongatu umi tenda ro’ysãme.
- Aníke re’ueterei juky ha mayonesa.
- Rey’úke heta y, por lo menos 6 ha 8 vaso peteĩ árape. Remboguejy umi mba’e orekóva heta asuka.
- Rejogua mboyve so’o, rehecháke iporã ramo. Ha’e arã ipyahúva.
- Rejogua ramo tembi’u oñemantene va’erã ho’ysãva, reñongatu porãke.
- Re’úta ramo bebida alcohólica, aníke rey’u hetaiterei.