Asunción, Agencia IP.- Peteĩha ára ikatúma ojeipuru jehasaha Héroes del Chaco ári, haimete 7.000 kamiõ ohasáma hi’ári. Kóva hi’aguĩeterei umi he’íva kuri pe apopyrã, ombojeroviáva 10.000 kamiõ ohasávane mayma ára.
Avei, ojeipuru sa’ive hína pe jehasa Remanso rehegua. Kuehe ambue, jehasa Remanso ári oguejy 9.800 kamiõ peteĩ árape. Kóa he’ise oguejy haimete 40% tránsito ligero-pe, he’iháicha Marcelo Elizeche, tendota Tetã Rembiapo ha Marandu Motenondeha (MOPC) rehegua.
Upéicha, ojehasa pya’eve hína. He’i hikúai ikatúma ojehasa 15 aravo’i guive 20 aravo’i peve.
Peaje rehegua
MOPC he’i kuri pe viru oñembyatýva peaje-gui ojeipurúta oñemba’apo hag̃ua ambue mba’e oipytyvõtava umi oikóva upérupi. Pe peaje oĩva jehasaha Héroes del Chaco ári oreko 8 tenda ojehepyme’ẽva, 4 ha’eva jeho ha 5 jejujey.
Ojehasa hag̃ua umi kamiõ ivevúiva ome’ẽ arã G. 10.000, ha umi kamiõ ojeacopláva ome’ẽ arã G. 17.000. Roje’e ramo kamiõ, ro’ese umi auto, camioneta, SUV, combi, van, jeep ha ambue, ipohýiva 3.500 kg. peve.