Asunción, Agencia IP.- Paraguái Ñe’ẽnguéra Sãmbyhyha, Ladislaa Alcaraz, ha Paraguái Ypykuéra Ñangarekoha (INDI) moakãhára, Marlene Ocampo, oñembyaty oñemongeta hag̃ua tembiapo ikatútava omotenonde oñondive, ñande ypykuekuéra rehehápe, ha umía apytépe iñe’ênguéra rehegua.
Péicha, tembiapo joaju rupive, ikatúta ñane retâpýre ojekuaaukave, oñemombareteve ha oñemomba’eve ñande ypykuéra ñe’ẽ, iñarandupy ha hekotee.
Ko’ã tembiapo rupive Paraguái Ñe’ẽnguéra Sãmbyhyha ha omyakâva Paraguái Ypykuéra Ñangareko, oñemoî peteî ñe’ême, tembiapo porâ rehehápe.
Ipahápe, mokôivéva mburuvicha oaguyjeme’ê ojojupe, ojehecha rupi mba’éichapa mokôivéva Temimoîmby guive oñemotenondese tembiapokuéra oñondive, ojejesarekóvo ñande ypykuekuéra remikotevê rehe.