Asunción, Agencia IP.- 3.000 ogayguáva oikóva tetãvore Caaguazú, Canindeyú ha Alto Paraná-pe omboporãve icalidad de vida ha hesãi, Itaipú ome’ẽ haguére chupekuéra y ikatúva ho’u ha yvy’atã itáva kuéra-pe.
Ko’ã ava’aty ñeipytyvõ ha’e “Mejora de la calidad de vida de poblaciones rurales a través de la infraestructura vial y de agua potable” apopyrã rehegua, ha Itaipú omoambue USD 4.800.000 umi rembiapo ojejapóva rehe.
Pe rembiapo y jehupytyka ojejapo táva 7 Montes ha San Isidro – Lado Este, Curuguaty-pe (Canindeyú); Bella Vista ha Tavapy Yhú guáva (Caaguazú). Oñemoĩ avei mba’eka oguahẽ haguã y ambue mbo’ehaópe Alto Paraná-pe: Mbo’ehao Ka’arendy, Mbo’ehao Básica 415, Mbo’ehao Tetãygua Mariscal López, ha Mbo’ehao Tetãygua Ramón L. Cardozo, oĩva J. L. Mallorquín-pe.
Upéicha, jopoipyhy umi Caacupemí ha Virgen de Caacupé ogaykeregua, Hernandarias-pe.
Opavave avarekoha ha mbo’ehao ojejopoipyhýva, oñeme’ẽ y mohendapyrã oikóma, oimplica heñoipy me’ẽ,equipamiento electromecánico, oñemohenda yño’õmby mopu’ã, caseta operaciones rehegua, línea eléctrica ojeipyso, red distribución rehegua, ha cercado perimetral.
Ko’ã pytyvõ rehegui, ombokatupyry umi aty motendeha hendaite omongu’e porã tembiapopy.
Rembiapo ojejapóva ojehechauka Oficinas para Proyectos de las Naciones Unidas (UNOPS), ha ojepy’amongeta tembikuaareka y ha yvy rehegua, relevamiento topográfico ha desarrollo de proyecto ejecutivo umi tenda oñeinterveníva, ha tembikuaareka oĩma oñembokuaha yvykua tubular rehegua.
Ko apopyrã mbojekuaaverã temimbo’e ha omombarete haguã avarekoha kuéra, oñembokatupyryve ojejapo arã apo ha omantenévo y mba’eka kuéra.
Poguypegua kuéra oĩva umi avarekoha oñembokatupyryve ojejapo ha jehechaukaha cloro opytáva, ojeipurúva ojerekovia haguã pe y ikatúva oje’u.
Umi oikóva táva ojopoipyhýiva oñembokatupyryve tekoha rehegua, ojeñangareko haguã teko ha y, ha mohendakuaa avarekoha.
Tape ñemoporãve
Umi oikóva José Domingo Ocampo, Puerto Adela, Raúl Arsenio Oviedo ha Juan León Mallorquín, tetãvore Alto Paraná-gua, ohopyty chupekuéra 7 kilómetros yvy’atã ombohasy’ỹ oñeguahẽva ha oñemongu’e.
Ko apopyrã tape rehegua ojopoipyhy 2.823 yvypóra, ha ojapo porã ambue 14.650 ojeréva upérupi.