Asunción, Agencia IP.- Itaipu Binacional ome’ẽ hína pira’i umi omba’apóva ombokakuaa hag̃ua chuguikuéra. He’i hikuái Estación de Acuicultura oñeme’ẽtaha pira’i paku rehegua oñepyrũ meve ára ro’ysã.
Julio Flores, peteĩ omba’apóva pira ombokakuaáva Itaipúpe he’i oguereko hikuái peteĩ rysýi umi productor kuéra ha asociación ojejure va’ekue. Ko’ãgã ndojeikatuvéima ojerure, ikatu hag̃uaicha oñeme’ẽ porã umi ojejure mboyve.
“Paku ha’e hína pe pira iporãvéva, ojepokuaa porã haguére umi ogueraháva ombokakuaa hag̃ua. Ko pira ho’u yva’a, ka’avo ha ambue grano ñane retãme rehegua. Ko pira okakuaa porã oĩ porã meve oje’u hag̃ua, haimete peteĩ kilo y medio peteĩ ary hyepýpe”, he’i Flores.
Umi oñeme’ẽtava oiko opaichagua tendágui ñane retãme, térã hetave ha’e umi oikóva hi’aguĩva pe embalse-gui. Oñeme’ẽta hikuái pira’i paku rehegua ituicháva, oguerekóva 10 guive 12 peve centímetro puku ha 50 gramo pohýi, iporãma oikove haguã ani hasy rei.