Asunción, Agencia IP.- 330 ogayguakuéra ha 10 mohendakuaa tetãvore Central, Itapúa, Caaguazú, Cordillera ha Misiones rehegua omohepyme’ẽ hína imba’e kuéra Feria de la Agricultura Familiar-pe, oikóva ko árape Canal 9-pe opa peve umi mba’e.
Ko feria-pe ojejapo hína Direcciones de Comercialización y Extensión Agraria rupi, Yvy ha Tymba Ñangareko Motenondeha (MAG) rehegua, ha oipytyvõ Itaipu ha UNOPS Paraguáire.
Upéicha oñeipytyvõse umi ogayguakuéra ñemitỹhára oikóva ñane retã ryepýpe.
Umi ohoséva ikatu ojogua ambue mba’e porã ha hepy’ỹva, ha’eháicha kesu Paraguái, kure, kavara, ovecha, ryguasu ha ype ro’o. Avei ryguasu rupi’a, avati, avati ku’i, kumanda pytã, eirete, manduvi, kumanda peky ha aramirõ.
Avei ikatu ojejogua tomáte, lokóte, mandi’o, jety, sevói, yva’a, gráno, tembi’u ñane retã rehegua, rembiapojegua, yvoty, yvyra ha ambue.