Grupo Lince oîva Policía Nacional ryepýpe omombareteve hembiapokuéra, 55 policía omohu’âkuri imbo’epykuéra ha oñepyrûma omba’apo osêvo tavayguakuéra apytépe; péva rupive oñemboykevéta apañuâi ojapóva tapichakuéra oñembyatýva ojapo haĝua mba’e vai mayma tavaygua apytépe.
Ñembyatykuéra, ñehekombo’e ñemohu’â rehegua, oikokuri Mariano Roque Alonso távape, ápe oîkuri Paraguái mburuvichavete Santiago Peña ha ambue mburuvichave ñane retâygua. Upe jave avei oñepyrûkuri ñehekombo’e pyahu hérava: VII Curso en Operaciones Tácticas Motorizadas de la Policía Nacional, ápe oñehekombo’éta 600 suboficial-kuéra.
Umi 55 suboficial-kuéra apytépe, omu’âva’ekue imbo’epykuéra oî 53 suboficial-kuéra Paraguaigua ha mokôi, tetâ Perú-pegua; mb’epykuéra oîkuri Centro de Formación e Instrucción de la Unidad de Operaciones Tácticas Motorizada(UOTM Lince) povýpe.
Hetavévo policía oñemombaretevéta Grupo Lince rembiapokuéra
Acto javépe, omotenonde sapy’áva Policía Nacional, Carlos Humberto Benítez he’ikuri policía-kuéra pyahu rupive oñemombaretevetaha Grupo Lince rembiapokuéra ha péa rupive avei tavaykuéra oikóva Paraguaýpe ha Central Departaméntore, ipy’aguapyvéta, policía-kuéra oñeñandukavétagui mayma tavaygua apytépe.
Ojehechávo oîha hetave opatrulláva, tapichakuéra rekovai ojejokovétama avei, he’ivoi omyakâ sapy’áva Policía Nacional, Carlos Humberto Benítez.
“Aaguijeme’ê mburuvichavetépe omoîrû mbaretére cherembiapokuéra. Rome’ê avei jehechakuaa Ministro-pe ha romomba’e avei opa pytyvôrâ akóinte ome’êva oréve Entidad Binacional Yacyretâ”, ombojoapy Policía Nacional omotenondevahína.
Upéicha avei, ojerure mayma policía pyahúpe, omba’apo mbarete haĝua, ikatu haĝuáicha omotenonde hekopete tembiapokuéra marangatu oguerekóva Policía Nacional, péva oñemoañetévo avei tetâ Léi guasúpe he’iháicha ha, oñemotenondévo avei yvypóra derechokuéra.
600 policía oñehekombo’evekuri
Ápe oñe’êkuri avei Grupo Lince motenondehára, Gustavo Ruiz Díaz ha he’i, ko árape oñemomorâ mba’e tuichave peteîva opytátamava mandu’arâramo ko Grupo Lince ryepýpe; oñemohu’âvo VI Curso Nacional de Operaciones Especiales Motorizadas, policía Lince pyahu oñehekombo’evéva rupive, oñemombaretevéta avei seguridad tetâ Paraguáipe.
Imandu’a avei, 600 policía-kuéra oñepyrûmahague oñemoaranduve Grupo Lince rehegua, péicha oñeñeha’â mbarete mayma tavaygua oî haĝua py’aguapýpe, he’i ipahaitépe Grupo Lince motenondehára.
“Rome’ẽma oreñe’ẽ rojapo haĝua tembiapokuéra hekopete ha hendaitéicha”, he’i ipahaitépe ko mburuvicha.