Asunción, Agencia IP.- Táva Ka’akupépe ojejapo hína recapado, oñembosako’i hag̃ua Tupãsy Ka’akupe ára oikóta 8 diciembre-pe.
Tembiapo kuéra oñepyrũ ko arapokõindy pahápe omboguatáva Tetã Rembiapo ha Marandu Motenondeha (MOPC) ha Tavaygua’atyha, he’i Viceministro Obras-gua, José Espinosa.
Viceministro Tetã Rembiapo ha Marandu rehegua, Ing. José Espinosa, omotenonde peteĩ aty ohóva kuri Ka’akupépe ohecha hag̃ua umi tembiapo ojejapóva recapado-pe g̃uarã Tupãsy Ka’akupe ára oikóta 8 diciembre-pe.
Tavarerekua Ka’akupeygua, Lic. Diego Riveros, ome’ẽ hiaguyje Tetã Rembiapo ha Marandu Motenondehápe (MOPC) umi tembiapo ojapóva, ha’eháicha tape ñemoporãvo, alcantarillado ha planta tratamiento rehegua, ohupytýma 80% jehotenonde.
Umi tembiapo ojejapóta ha’e recapado ha bacheo umi tapépe ojeipuruvéta Tupãsy Ka’akupe árape, ha avei umi oĩva casco urbano-pe. Umi tape vecinal kuérape ojejapóta perfilado, cuneteado ha carga, avei umi tramo alternativo-pe, oñemoporãve hag̃ua tránsito rehegua.
Mba’yrumýi jeguata
Ko arýpe ndojejapomo’ãi desvío Tapeguasu PY02-pe, oguereko haguérema carril doble mokõive lado-pe.
Umi kamiõ michĩva oikéta táva Ka’akupépe rotonda oĩva kilómetro 52.2 rupi, ha oipuru arã rotonda Santa Ana peve margen derecho-pe. Umi oúva ñane retã Este guive, oike arã rotonda Cerro Alto-pe rotonda Santa Anapeve.
Avei, colectivo kuéra orekóta peteĩ tendánte ohupi ha oguejy hag̃ua umi pasajero kuéra Kurusú Campesino-pe. Umi colectivo oikéta Ciudad del Este guive ohasa arã rotonda Cerro Real, ohupyty peve umi tenda ha’éva ojejupi ha ojeguejy hag̃ua pasajero.