Asunción, Agencia IP.- Paraguái tendotakuéra he’i omba’apo ojuhu mbohovái haguã tenda oikóva Hidrovía Paraguay – Paraná ha Entidad Binacional Yacyretá (EBY) rehegua, he’i hikúai oikoha mba’e porã ha oĩ tembiapota oiko haguã ñemoñe’ẽ peteĩ Argentina tendotakuéra ndive.
Canciller Rubén Ramírez ha Ministra Tetã Rembiapo ha Marandu Motenondeha, Claudia Centurión omoguahẽ ko arakõi Secretaria Mbaretekue Argentinagua, Flavia Royón; Mburuvicha Ygarupa Ñangarekóva, José Beni; avei Director Entidad Binacional Yacyretá Argentinagua, Fernando de Vido, ha Asesor Tembiguerekoitaha Viruñangareko Motenondehagua, Raúl Pérez.
Tenontakuéra he’i ndo’eitaiti mba’e ojeñe’ẽ’akue pe ñembyatýpe ojejuhu mbohovái peve. Canciller he’i oñepyrũ ojeñe’ẽ ha oñeporandu mokõi tetã ojupe.
Oñemomarandu avei Viceministro Itaguenohẽha Tetã Rembiapo ha Marandu Motenondeha rehegua, Mauricio Bejarano; Viceministra Viruha Jokuaagua Tetãnguéra ndive Jokupytarã Motenondeha rehegua, Patricia Frutos; Director Viru Jerekoha, Osvaldo Ostertaq; ha Paraguái Director Viruha Yacyretágua, Federico Vergara.
Argentina ha Paraguay tenda
Ko arapoteĩ ohasáva, Mburuvicha Santiago Peña he’i ohechaukata peteĩ jojareka Tribunal de Arbitraje-pe Mercosur rehegua, Argentina ndohejái haguére ojeguata ygápe y rupi, opyta yga guasu kuéra Administración General de Puertos ombohysýi upeicha.
Pe jejoko oiko ndoñeme’ ẽi haguére la viru Paraguay mba’apoha renda rupi, ha pe jehasa repy Hidrovía Paraguay – Paraná ha’e Argentina mba’epota. Ko’a mba’e ojejapóva ko ary guive, ha Paraguái ombotove yketeĩpypegui, ha ombojovái umi he’iva Tratado de la Hidrovía-pe Argentina, Brasil, Bolivia, Uruguay ha Paraguái oterahaiva’ekue.
Ko arateĩ ohasava’ekue, umi irundy tetã oĩva Tratado de Hidrovía-pe oñemomarandu oñondive ojerure Argentina-pe omoĩ jey guata ygápe y rupi sasõ.
Oĩramo jehasa repy, Paraguay he’i pe tepy omoñeĩ arã oñondive umi po tetã oipurúva la hidrovía.
Ñeme’ẽ jey Yacyretáre
Argentina omboepy arã US$ 150 millones Paraguáipe, umi energía ojehejáva chupeguarã Yacyretápe.
Mburuvicha Peña he’i “Paraguay onohẽ sa’i la energía, ombotovameguã Argentina-pe upéicha orekove, ha ore roikuaa porã oreko hikuái tuicha déficit energético”.
Ko’ã mba’e oiko haguére, Paraguái onohẽ 100% pe energía imba’eva, ha Argentina ojeporeka arã ambue renda isuministrorã ha hepyvéva.
Mburuvicha Santiago Peña he’i Paraguái ndomomorãmo’ãita pe Fondo Monetario Internacional (FMI) oñema’ẽ jeyta Argentina rehegua, jasypateĩ ojejapótava. Peña omomandu’a Paraguái ndoñembohovái peteĩ US$ 7.500 millones virume’ẽ, ha Argentina orekóma’akue viru ndome’ ẽiti Paraguáipe.