Asunción, Agencia IP.- Mbohapy arapokõindy paha 2023-pe, Senepa omopotĩ 73.452 tenda okakuaahápe ñati’ũ Paraguaýpe. Oike hikuái omaña 3.426 óga kuéra.
Umi omba’apóva Senepa-pe oho omopotĩ umi tendape hetave oĩha káso dengue mba’asy rehegua, ha’eháicha Santísima Trinidad, Obrero, Sajonia, San Vicente, Roberto L. Petit, San Pablo, Loma Pyta, Republicano, Tablada ha Santa Ana.
Oñemopotĩ aja, umi Senepa-gua he’i umi tapicha kuéra oikóva upérupi tomopotĩ sapy’a py’a hógape, hembiapo kuérape, mbo’ehao kuérape ha ambue.
Upevarã tekotevẽ ojehecha ndaiporiha mba’e ikatúva ombyaty y isarambipáva okápe ha oñemboyke umi mba’e ndojeporúiva, taha’e lata, botella, tapa, hamba’e.
Avei ojehecha ha oñemopotĩ arã umi canaleta, oñeñongatu umi mba’yru y reheve ojeporu térã oje’u hag̃ua óga ryepýpe. Upéicha, oñemoĩ hag̃ua umi botella ojeporútava yvate gotyo.
Umi Senepa-gua he’i jajesareko arã ani hag̃ua oñembyaty y umi plato maceta rehegua, ñamyengovia y oíva jarrón-pe yvyku’i hykue reheve ha jajesareko ani hag̃ua oñembyaty y umi yvyramáta tronco ha hakã apytépe.
Avei, oje’e oñemboyke umi neumático kuéra techo guýpe ha oñemopotĩ jagua ha mbarakaja y ryru.