Asunción, Agencia IP.- Peteĩ tembiapo guasu ojejapóva tesãi ha teko porãve ñemomorãrã Itapúa-pe, ojejapóma hina 52% ha oñemohu’ãta oje’ehaguéicha.
Empresa contratista tembiapo omboguatáva he’i ko apopyrã oñemohu’ãkuaataha jasypo paha ary 2024-pe, he’i Tetã Rembiapo ha Marandu Motenondeha (MOPC).
Upe hormigón retepy ojejapopáma, ha umi tembiapo albañilería, mampostería, revoque ha ambue mba’e ojejapóma hina 85%. Avei, umi instalación eléctrica hyepygua, climatización, y ikatúva jay’u ha desagüe cloacal ojejapóma 80%.
Jahecha avei umi tembiapo revestimiento, cerámico ha piso rehegua ojejapóma 60% rupi. Ojejapóta avei equipamiento montaje rehegua, electromecánico, sistema contra incendio ñemoĩ, ha ambue mba’e.
Ko tempiapópe omba’apo hina 250 mba’apohára, ko’ãva apytégui 85% Itapúagua voi, ha viru opytajey upépe.
Ko tembiapo oĩ Consorcio Hospitalario del Sur poguýpe, Sociedad Constructora Chaco S.A., Barrail Hermanos S.A. de Construcciones, EISA ha Ricardo Díaz Martínez. Tembiapo repykue ohupyty hina G. 209.994.116.609.
Ambue tembiapo ojejapóva avei ha’e estacionamiento, helipuerto, planta tratamiento efluente rehegua, oxígeno rehegua planta generadora, avei apoyo ha abastecimiento renda.