Asunción, Agencia IP.- Ko arapoteĩ guive oñepyrũ peteĩ aponde’a joko’ỹva oñeme’ẽ haguã y ikatúva oje’u te’ýi ha okaraygua avarekoha-pe ohupytyva ama pokã Chaco-pe.
Ojeguerahata 310.000 litros y 25 mba’yrumýi tyru-pe peteĩha mboja’o haguã, he’i Ministro Pytyvõ Pya’erã Sãmbyhyhára-gui (SEN), Arsenio Zárate.
Tetã Rekuái ome’ẽma 4.000.000 litros y, 15 jasypoapy guive Pytyvõ Pya’erã Sãmbyhyhára-gui (SEN) ha Essap rupi. Ko’ẽro oñepyrũta mba’apo pyahu, ojoajuva oñeikotevẽva umi avarekoha-pe ha ama pokã tekogui.
Oñepytyvõta 30.000 te’ýi avarekoha, ha ambue 5.000 yvypóra oĩva pe tenda. Ko peteĩha ñeme’ẽva oñeguahẽta 5.000 yvypóra rendápe, he’i Zárate.
Pytyvõ Pya’erã Sãmbyhyhára (SEN), Essap, Senasa ha Tetã Ñangareko Motenondeha (MDN) oipytyvõta y mboja’o. Avei, Petropar oipytyvõta ome’ẽ ñandyratarã.
Pytyvõ Pya’erã Sãmbyhyhára-gui (SEN) avei oipytyvõta 6.000 ogayguava oiko asy haguére umi yvytu’atã oiko’akue tetãvore Alto Paraná ha Itapúa-pe.
Arapo ohasáva, oñembyaty tendota kuéra ha Mburuvicha Paraguáigua, Santiago Peña, Mburuvicha Róga-pe.